တမ်းတသူ၏ အလွမ်းခြေရာများ
တမ်းတသူ၏ အလွမ်းခြေရာများ
တမ်းတမိတယ် နံနက်ခင်းရဲ့ နိုးထခြင်းတွေနဲ့
တို့ …. အတူရှိခဲ့ဖူးတဲ့ နေ့ရက်တွေကို ……. ။
တမ်းတမိတယ် ကိုယ့်ရဲ့လက်လေးကို မင်းခပ်ဖွဖွဆုပ်ကိုင်
ဟိုး …. အဝေးက ကမ်းခြေတလျောက်
တို့ …. အတူလျောက်ခဲ့ဖူးတဲ့ နေ့ရက်တွေကို …….။
တမ်းတမိတယ် ညရဲ့ လရိပ်အောက် နမ်းရှိုက်တပ်မက်ဖူးတဲ့
မင်းရဲ့ နှုတ်ခမ်းလေး လေပြေအဆော့မှာ
ပြေးကစားတတ်တဲ့ နဖူးစပ်ကမင်းဆံနွယ်လေး
မင်းခိုးနမ်းခဲ့တယ့် ကိုယ့်ပါးပြင်ပေါ်ကမှဲ့အညိုလေး
တို့ …. အတူရှိခဲ့ဖူးတဲ့ ညခင်းဆည်းဆာတွေကို…. ။
တမ်းတမိတဲ့ တမ်းတခြင်းတွေကို အရေဖျော်သောက်
ကိုယ် … ရူးသွပ်စွာနဲ့ မူးမိုက်ခဲ့ဖူးတယ် … ။
အခုတော့ ဒီတမ်းတမှုတွေကို လောင်စာလုပ်ပြီး
ပြိုပျက်ကျနေတဲ့ စိတ်ကူးအဆွေးအမြေ့တွေကို
တရွေ့ရွေ့ နဲ့ ဘ၀ကို ထိမ်းကျောင်းမောင်းနှင်နေရတော့တယ် …. ။
♥ဆွိ ♥
0 comments:
Post a Comment