လွမ်းအရိပ်၂
လွမ်းအရိပ် ၂
ကောင်းကင်မှာမိုးတိမ်တွေကင်းရှင်းပြီး ၊သက်တန့်ရောင်စုံ ဖြာထွန်းတဲ့ တနေ့ သူတို့အိမ်ဘက်ကိုခြေဦးလှည့်ခဲ့တယ်။
သူနဲ့ကျွန်မ တလမ်းထဲ အတူနေခဲ့ကြပေမယ့်၊ ကျောင်းနဲ့အိမ်ကလွဲလို့အပြင်ကိုထွက်လေ့မရှိတဲ့ ကျွန်မ
မှာသူနဲ့ မျက်နှာချင်းဆိုင်ဆုံတွေချိန်ဟာ သိပ်ကိုနည်းပါးခဲ့ပါတယ်။
မိုးရွာပြီးကာစမို့ မြေမြင်ဟာစိုစွတ်ပျော့ပြောင်းနေတယ်။ အသင့်ဖွင့်ထားတဲ့ ခြံတခါးကိုတွန်းဖွင့်ဝင်ရင်း၊
ကျွန်မကသစ်ပင်၊ပန်းပင်တွေကို မြတ်နိုးတတ်သူပီပီ လူသွားလမ်းတလျှောက် အလှစိုက်ပျိုးထားတဲ့ သူတို့ခြံထဲကရွက်လှဂမုန်းပင် များကို စိတ်လွတ်ကိုယ်လွတ် ကျွန်မ ငေးမောကြည့်နေမိ ခဲ့ တယ်လေ...။
သူတို့ခြံထဲက နှင်းဆီ ပန်းအိုး လေးထဲမှာ မိုးရေ အနည်းငယ် အိုင်ထွန်းနေတယ်။
သင်းပျံ့လာတဲ့မြေသင်းရနံ့
ဝေ့၀ဲလာတဲ့ မိုးဦးကျ စံပယ်ရနံ့
ခြံထောင့်က ဇီဇ၀ါ ရနံ့တွေ အောက်မှာ ကျွန်မ အကြာကြီးမိန်းမောနေခဲ့မိ ပါတယ်။
အချိန်တွေ ဘယ်လောက်ကြာသွားမှန်း မသိ “သမီး ဘယ်သူနဲ့တွေ့ချင်လို့လဲ”ဆိုတဲ့မေးခွန်းအဆုံးမှာ ကျွန်မလန့်ဖျတ်သွားခဲ့တယ်။ သူ ရှိနေမလားဆိုတဲ့ မျှော်လင့်ချက်က မှားယွင်းသွားပြီဆိုတာ၊သူတို့သူငယ်ချင်းတွေဘောလုံးသွားကန်တယ်ဆိုတာသူ့အမေရဲ့စကားအဆုံးမှာ သိလိုက်ရတယ်။ခေါက်ထီးလေးကိုပိုင်ရှင်လက်ထဲ လူကိုယ်တိုင်ပေးပြီး ကျေးဇူးတင်စကား မပြောလိုက်ရလို့လား၊ အဲ့ဒီ့နေ့က အိမ်အပြန်လမ်းမှာ အမျိုးအမည်မသိတဲ့ ဝေဒနာတွေနဲ့ ကျွန်မရင်ထဲပြည့်ကျပ်နေခဲ့ သည်။
နောက်နေ့မနက် ဘတ်စကားဂိတ်မှာ သူကို တွေ့လိုက်ရပါတယ်။
သူကလည်း ကျွန်မ ကိုမြင်လို့ လှမ်းပြီး ပြုံးပြနှုတ်ဆတ်တယ်။
ကျွန်မကတော့ ဘာကိုရှက်နေမှန်းမသိပဲ ရှက်နေခဲ့လို့ ဘာမှမရှိတဲ့ မြေပြင်ကို အဓိပ္ပယ်မဲ့စွာ ငေးကြည့်နေပြီး နှုတ်ဆွံအနေခဲ့မိတယ်။ ဘာမှမဟုတ်တဲ့ ထိုအချိန် ခဏလေးဟာ ကျွန်မ အတွက် အကြာကြီးလိုပဲ။ တိတ်တဆိတ်နဲ့ ကိုယ့်ရင်ခုန်သံကို ကိုယ်တိုင် ပြန်ကြားနေခဲ့ရတာ သူတော့ သိမယ်မထင်ဘူး။ ဆယ်ကျော်သက် နှလုံးသားက အချစ်ကို တွေ့ရှိသွားခဲ့ပြီလား။ ရင်ခုန်တာတခုတည်းနဲ့ အချစ်ဆိုတာ မဖြစ်နိုင်လောက်ပါဘူးလို့ ကိုယ့်ကိုကိုယ်နှစ်သိမ့်လိုက် တယ်။ကျွန်မ ကျောင်းကားရောက်လာတော့ ကားပေါ် လှမ်းတတ်သွားတဲ့ အချိန်အထိ သူရပ်ကြည့်ရင်း ကျန်ရစ်ခဲ့တယ်။
မတော်တဆပဲလား၊ တိုက်ဆိုင်တာပဲလား နောက်ပိုင်းမှာ ကျောင်းသွား၊ကျောင်းပြန် မကြာခဏဆိုသလို သူုနဲ့ ပိုပြီးဆုံတွေ့ ဖြစ်လာတယ်။ ကျွန်မ အိမ်အပြန်မှာ တစ်စုံတယောက်က စောင့်နေတာမျိုး၊ နောက်ခပ်လှမ်းလှမ်းက လိုက်ပါလာတာမျိုး ခံစားခဲ့ရတယ်။အဲ့ဒီ တစ်စုံတယောက်ဟာ သူပဲဆိုတာ ဘာကြောင့်များ ကျွန်မသိနှင့်နေခဲ့ပါလိမ့်...။ရင်ထဲက အချက်ပေးခေါင်းလောင်းသံတွေကြောင့်များလား...။♪♫♫♫
နေပူပူ၊ မိုးရွာရွာကျွန်မအိမ်အပြန်ကို ဘတ်စကားဂိတ်ထဲမှာဖြစ်စေ၊ လမ်းထိပ်က ပိတောက်ပင်ရိပ်အမိုးအောက်
အောက်မှာ၊ညောင်ညိုပင်အောက်မှာ ဖြစ်စေ သူအမြဲထိုင်စောင့်နေခဲ့ပါတယ်။
ကျွန်မတို့ သူငယ်ချင်းတွေစုပြီး စာအုပ်ဆိုင်၊ သွားတဲ့အခါတွေမှာ သူ့ သူငယ်ချင်းတွေနဲ့ မယောင်မလည် လိုက်ပါလာတတ်တာလဲ ကျွန်မ သတိထားမိခဲ့ပါသည်။
ရင်ခုန်ခြင်း အပိုင်းအစများ ၂
တစ်ခါတရံ သူတို့အုပ်စု ထိုင်နေကြ လက်ဘက်ရည်ဆိုင်လေးရှေ့ က ကျွန်မ ဖြတ်လျှောက်သွားတိုင်း သူ့ရဲ့ သူငယ်ချင်းတွေက “ဟေ့ကောင်၊..သက်နိုင်” ဆိုပြီး ဘာကြောင့်မှန်းမသိအကျယ်ကြီး အော်ခေါ် တတ်ကြသည်။သူတို့ရဲ့ခေါ်သံကထူးဆန်းသလိုလို၊တစုံတယောက်ကိုရည်ညွန်းနေသလိုလို...ခြေလှမ်းတွေကိုအနည်းငယ်ဆုံ့စိုင်းပြီး စောင်းငဲ့ကြည့်လိုက်တော့ ဘေးမှာထိုင်နေတဲ့သူက ရှက်ကိုးရှက်ကန်းနှင့်မျက်နှာကိုငုံ့ထားခဲ့သည်။
အဲ့ဒီတော့မှ သူ့ရဲ့နာမည် အပြည့်စုံက ဇမ္မူသက်နိုင်ဆိုတာ ကျွန်မသိခဲ့ရ တယ်။
။သူနဲ့ ခင်မင်ရင်းနှီးနေပြီဖြစ်တဲ့ လက်ဘက်ရည်ဆိုင်ပိုင်ရှင် ဦးလေးကြီးရဲ့ ပြုံးစိစိမျက်နှာထား၊ လေးဖြူရဲ့ အုံပုံးအချစ်ကို စားပွဲထိုးလေးက မကြားတကြား စောင်းဆိုသံတွေကိုလဲ ရင်ဆိုင်ခဲ့ရတယ်။ မိုးရွာလို့ သူတို့သူငယ်ချင်းတွေ လမ်းမပေါ် ဘောလုံးထွက်ကန်ကြရင် ဘောလုံးကန်ရင်း ကျွန်မအိမ်ဘက်ကို သူလှမ်းလှမ်းကြည့်နေတတ်သလို၊
ကျွန်မ ကတော့ အပြာရောင် ခန်းစီးစ နောက်ကွယ်ကနေပဲ ငေးကြည့်နေ ခွင့်ပဲရှိခဲ့တယ်။ ဒီလိုနဲ့ပဲ အချိန်တွေ ကုန်မှန်းမသိကုန်လာခဲ့သလို၊ မဖော်ပြနိုင်ခဲ့တဲ့ တစုံတရာဟာ ကျွန်မရင်ထဲတိတ်တဆိတ်တိုးတိတ်ငြိတွယ်လာခဲ့သည်။
နွေရာသီ ကျောင်းပိတ်ရက်တွေ ရောက်တော့ သူငယ်ချင်းတွေ အဆွယ်ကောင်းမှုကြောင့် နောက်နှစ်အတန်းအတွက် ကျူရှင် ကြိုတတ်ဖြစ်ခဲ့တယ်။ မထင်မှတ်ပဲ ကျူရှင်မှာလဲ ကျွန်မတို့တွေထပ်ဆုံဖြစ်ကြသေးတယ်နော်.. ။အခန်းထောင့်က စားပွဲခုံလေးကနေ သူ ကျွန်မ
ကို ခိုးခိုးကြည့်နေခဲ့တာ ကျွန်မ
သိတာပေါ့။ နောက်ပိုင်း လမ်းထဲကသူငယ်ချင်းတွေ ကျေးဇူးကြောင့် ကျွန်မ
တို့နှစ်ယောက် တရားဝင် သူငယ်ချင်းတွေ ဖြစ်သွားကြတယ်။
သူငယ်တန်းကနေ၊အထက်တန်း ရောက်တဲ့အထိမိန်းကလေးကျောင်းမှာနေခဲ့ရသူမို့ ကျွန်မဘ၀မှာ ယောကျာ်းလေးသူငယ်ချင်းများများစားစားမရှိခဲ့ပါဘူး။ လမ်းထဲမှာ သူငယ်ချင်းတွေအများကြီးရှိရဲ့နဲ့၊အားလုံးထဲမှာမှသူ့ကိုကျွန်မခင်တွယ်ခဲ့မိပါ
သည်။
သူဟာကျွန်မဘ၀ရဲ့ပထမဦးဆုံးသောယောကျာ်းလေးသူငယ်ချင်းတယောက်ပါပဲ။
ကျူရှင်ကနေအိမ်အပြန်၊ လမ်းမှာ ကောင်လေး တစ်ယောက်ယောက်ကို ပြုံးပြနှုတ်ဆက်မိရင် သူ ကျွန်မကိုစိတ်ဆိုးလို့ မဆုံးတော့ဘူး။
သူငယ်ချင်းဆိုတဲ့ ခေါင်းစဉ်ရဲ့ အောက်မှာပဲ သူက ကျွန်မပန်ဖို့သူတို့ခြံထဲက အရိုင်းပန်းဖြူဖြူ
တချို့ ယူလာပေးတတ်သေးသည်။
အခြားသူငယ်ချင်းမတွေက နောက်နောက်ပြောင်ပြောင် ငါတို့အတွက်ရောလို့ မေးတော့ သူ့ရဲ့ ရှက်ပြုံးတွေကို ကျွန်မ အခုအထိ မှတ်မိနေဆဲပါ။
ကျွန်မခါးကျော်လောက် ဆံပင်အရှည်တွေကို ကြည့်ပြီး တမြတ်တနိုးနဲ့ သိတ်လှတယ်လို့ မကြာခဏပြောတတ်တယ်။ ကျွန်မက သူပေးတဲ့ပန်းလေးတွေကို တယုတယနဲ့ ခေါင်းမှာပန်ပြတော့ ပျော်ရွှင်သွားပြီး နှစ်နှစ်ခြိုက်ခြိုက်ပြုံးတက်တဲ့ သူ့ရဲ့ အပြုံးတွေဟာ အမြဲလို ကြည်လင်လတ်ဆက်နေတယ်။ သူပြုံးရယ်လိုက်တိုင်း သွားစွယ်လေးတွေနဲ့ ကလေးတစ်ယောက်လိုပဲ အပြစ်ကင်းစွန်းလွန်းတယ်နော်။ အခုတော့ကျွန်မ မြတ်နိုးရတဲ့ ပန်းတွေလဲ ပန်သူမဲ့လို့ မြေမှာသက်ဆင်း ကြွေကျနေကြပြီလား။
လှပတဲ့ ညနေခင်းလေးတခုရဲ့ ဗာဒံပင်အောက်က ခုံတန်းလေးမှာ အတူတူယှဉ်ထိုင်ရင်း သူက “ကျွန်တော်ညကျရင် ဟိုကောင်တွေနဲ့ ဒီခုံမှာထိုင်ပြီး ဂစ်တာတီးဖို့ ခွင်ပြုပေးပါလား” လို့ ကျွန်မ ကို သူခွင့်တောင်းခဲ့တယ်လေ။
ဗာဒံပင်ထိပ်ဖျားက မိုးဆွေငှက်ကလေးတွေ အိပ်တန်းတတ်တဲ့အချိန်၊ အလင်းရောင်လေးတွေ ဖျော့တော့ သွားတဲ့အချိန်မှာ စံပယ်ပန်း ရနံလေးတွေနဲ့အတူ သူရဲ့ သီချင်းသံက ကျွန်မအိပ်ခန်းရှိရာကို ညင်သာစွာ လွင့်ပျံလာတယ်။ ညလေပြေအဝှေ့မှာ မြတ်လေးပန်းလေးတွေ ကြွေကျသွားတယ်။ လရောင်ခပ်ရေးရေးအောက်က ခုံတန်းလေးပေါ်မှာ သူတို့အုပ်စု......။
ကျွန်မကတော့ အိပ်ခန်းလေးကို မီးအမှောင်ချပြီး ရင်ခွင်ထဲကခေါင်းအုံးလေးကို ကြည်နှုးရှက်စိတ်နဲ့အတူ တင်းကျပ်စွာဖတ်ထားမိ တော့သည်။
နွေရက်တစ်ရက် လှပတဲ့ ပိတောက်လေးတွေ အပြိုင်အဆိုင် ဖူးနေကြတဲ့အချိန်...... ဘ၀မှာ ပထမဦးဆုံးအကြိမ် သူ့ဆီကရင်ဖွင့်စာကိုရခဲ့သည်။
ကြည်နူးစိတ်တစ်ဝက်၊ ရှက်စိတ်တ၀က်နဲ့ စာရွက်ခေါက်လေးကို ဖြန့်နေတဲ့ ကျွန်မလက်တွေ တုန်ခါနေတာ ကိုယ်သတိထား လိုက်မိတယ်။စာထဲမှာ ရေးထားတဲ့ အဓိပ္ပယ်ကို သိပေမယ့် အကြိမ်ကြိမ် ဖတ်မိနေတာ ဘာကြောင့်များပါလိမ့်...။
“”..”င်္ကြန်ကျဖို့ နီးနေပြီနော်၊ ကျွန်တော်ကို ပထမဦးဆုံး ရေလောင်းရတဲ့သူ ဖြစ်ခွင့်ပေးပါ....ချစ်တဲ့ “..” တဲ့လေ။
စာရွက်လေးကို ကိုင်ပြီး ရင်မှာ မောဟိုက်စွာနဲ့ တုန်ရင်နေတုန်းမှာပဲ အိမ်ရှေ့ပိတောက်ပင်က နွေငှက်ကလေးတစ်ကောင် ဆွေးဆွေးမြည့်မြည့်တွန် ကျူးသွားခဲ့ သည်။သင်္ကြန်ရက်တွေမှာ အမေကဥပုတ်စောင့်သွားတော့ ကျွန်မကအိမ်စောင့် အဖြစ်ကျန်ခဲ့ ရတော့ အပြင်ထွက်ခွင့်မရှိခဲ့ဘူး။ အဲ့ဒီနေ့က စိတ်ညစ်ညစ်နဲ့ခြံထဲကို လမ်းဆင်းအလျှောက် ခြံဝထိပ်မှာ ကချင်ပုဆိုးကွက်လေးနဲ့ ငွေဖလားလေးကို ကိုင်ပြီး စိတ်ရှည်ရှည်နဲ့ စောင့်နေတဲ့ သူ့ကို အံ့သြ၀မ်းသာစွာ တွေ့လိုက်ရသည်။။ ကျွန်မလည်း ရှက်စိတ်၊ ကြည်နူးစိတ်၊ ၀မ်းသာစိတ်တွေ ရောပြွန်းတဲ့ ခံစားချက်တွေနဲ့ ခြံတံခါးကိုတွန်းဖွင့်ပြီး ထွက်လိုက်စဉ်မှာပဲ မွှေးမြတဲ့ ပိတောက်ရနံ့တွေနဲ့အတူ ရေအေးအေးလေးတွေ ကိုယ့်ပေါ်ကို ကျရောက်ချိန်မှာ သူ့ကို နက်နက်ရှိုင်းရှိုင်း ချစ်မိသွားပြီဆိုတဲ့ ခံစားမှုတစ်ခု မသိစိတ်ကနေ သိစိတ်ကို သူ့အလိုလို ရောက်လာတာကို ကိုယ့်ကိုကိုယ် ၀န်ခံလိုက်ရတယ်။ တကယ်တော့ ကျွန်မတို့တွေဘယ်အရာကိုမှမပွင့်လင်းခဲ့ကြသလို၊ ကျွန်မအချစ်ကို ၀န်ခံဖို့ ကျွန်မကိုယ်တိုင်ပင်ရှက်ရွံ့နေခဲ့မိပါသည်။ ဒီလို သူငယ်ချင်းဘ၀နဲ့ တစ်ယောက်ကိုတစ်ယောက် ခိုးကြည့်ရင်း....၊ အကြည့်များ၊ သက်ပြင်းများအောက်မှာသာ စကားလုံးများက အကြီမ်ကြိမ်ပျောက်ဆုံးနေခဲ့သည်။
ဒါဟာ ကျွန်မအပြစ်လို့ပဲ ဆိုရမလား.... တကယ်တန်း အချစ်ဆိုတဲ့ ခေါင်းစဉ်အောက်ကိုတိုးမ၀င်ခဲ့တာဟာ သတ္တိနည်းနေတာထက်ချစ်ရသူကို မလိုလားအပ်တဲ့ ဝေဒနာတွေကို မခံစားစေချင်ခဲ့တာ ကျွန်မရဲ့မှန်သောသစ္စာပါ။ ကျွန်မတို့တွေဟာ ငယ်ရွယ်သူတွေ၊ ရည်ရွယ်ချက်တွေကိုဖြစ်မြောက်ဖို့ မပြီးပြည့်စုံတဲ့သူတွေ၊ ဒါကြောင့်မို့ ကျွန်မတို့
ခြေလှမ်တွေကိုပြန်လည်ထိန်းချုပ်ရမယ်မဟုတ်လား။ ကျွန်မရဲ့မြိုသိပ်ထိန်းချုပ်ခြင်းရလတ်ကတော့ အိပ်မပျော်နိုင်တဲ့ညများ၊ နောင်တဆိုးများ၊၀မ်းနည်းကြွေကွဲမှုများသာဖြစ်စေရုံသက်သက်ပါပဲသူရယ်...။
အင်းပေါ့လေ..အခြေနေ အချိန်ခါဆိုတာ ဘယ်တုန်းကများ နှစ်ခါပြန်လာခဲ့ဖူးလို့လဲ.....။
“အက်ကွဲသံစဉ်၏ နိဂုန်း”
ကျွန်မတို့ ၁၀တန်းစာမေးပွဲတွေ ဖြေဆိုအပြီး တစ်ရက်မှာ အဖေကခေါ်ပြောတယ်... ကျဆင်းလာတဲ့ အိမ်က စီးပွားရေးနဲ့အတူ ကျွန်မကို ကျောင်းဆက်ထားနိုင်ဖို့ အရေးဟာ ခက်ခဲလာခဲ့တယ်။ အားလုံးအတွက် အကောင်းဆုံး အဖြေအဖြစ်နဲ့ ကျွန်မ
ဟာ နိုင်ငံခြားမှာရှိတဲ့ ငယ်ငယ်လေးထဲက ကွဲသွားခဲ့တဲ့ ဖေဖေ့ အစ်မ အန်တီတွေရှိတဲ့ နေရာကို သွားဖို့ အားလုံးက သဘောတူ ဆုံးဖြတ်လိုက်ကြတယ်လေ။
ကျွန်မအတွက် ကောင်းကောင်းမွန်မွန် ပညာဆက်သင်ဖို့ဆိုတာ ဒီတနည်းပဲရှိတယ်လို့ အဖေကပြောတယ်။ အို...ကံကြမ္မာဟာ ကျွန်မကိုသူထံမှအဝေးဆုံးသို့ပို့တော့မည်။ ကျွန်မတို့အမှန်တကယ်ကိုပင်ဝေးကြရတော့မည်။
တလိမ့်လိမ့်ကျလာတဲ့ မျက်ရည်တွေကိုမထိန်းနိုင်ပဲ အားလုံးရှေ့မှာငိုမိတော့ မေမေက သမီးသူငယ်ချင်း ကောင်လေးရော ဆိုပြီးမေးခဲ့တယ်။ အလိုက်သိတဲ့ ဖေဖေကတော့ ဘာမှမပြောပဲနဲ့ ရှောင်ထွက်သွားခဲ့တယ်။
ညညအိမ်ရှေ့မှာဂစ်တာလာတီးနေတဲ့ သူ့အဖြစ်ကိုအားလုံးကရိပ်မိကြပါတယ်တဲ့...။
ချို့တဲ့နွမ်းပါးတဲ့ကျွန်မရဲ့ဘ၀ဟာ၊ အချစ်ကိုရှေ့တန်းတင်ဖို့၊ ကိုးကွယ်ဖို့ခွင့်မပြုခဲ့ပြန်ဘူး။
နိုင်ငံခြားသွားဖို့ဆိုတာစိတ်ကူးယဉ်လို့ကောင်းတဲ့ အိမ်မက်တခုပါပဲ။ အဲ့ဒီညမှာ သူအရင်လို ဂစ်တာလာတီးခဲ့တယ်။
“ငါ့အဖြစ်တွေကိုမင်းဘာမှမသိခဲ့ပါလားကောင်လေးရယ်””
လရောင်အောက်မှာ ဂစ်တာတီးနေတဲ့ သူပုံရိပ်လေးကို အမှောင်ရိပ်ထဲက ကြေကွဲစွာ ရပ်ကြည့်ရင်း ......
နောက်နေ့တွေမှာ အိမ်ရှေ့ ဂစ်တာလာမတီးဖို့၊ အဖြေကိုလည်း မမျှော်လင့်ဖို့ စာရေးပြီး သူငယ်ချင်းတွေက တဆင့် အသိပေးခဲ့တယ်။ ရုတ်တရက် ပြောင်းလဲသွားတဲ့ ကျွန်မအမူရာကိုနားမလည်နိုင်လို့ မျက်နှာချင်းဆိုင်ဆုံတွေ့ဆုံဖို့ ကြိုးစားတဲ့အကြောင်း တဆင့် ကြားခဲ့ရတယ်။
အရင်လို အိမ်ရှေ့မှာ ဂစ်တာလာမတီးတော့ပေမယ်၊ အဝေးတနေရာကနေ သူကိုယ့်ကို ဆွေးမြေ့တဲ့ မျက်ဝန်းတွေနဲ့ ကြည့်နေခဲ့တယ်ဆိုတာ ကျွန် မသိနေခဲ့တယ်။ ကျွန်မသွားဖို့ရက်က သိပ်ကိုနီးကပ်နေပြီ။ မသွားခင်ရက်တွေမှာ သူအရင်လိုပဲ အိမ်ရှေ့မှာ ဂစ်တာလာတီးမလားဆိုတဲ့ မျှောလင့်ချက်လေးနဲ့ အိပ်ခန်းတံခါးကို ဖွင့်ထားခဲ့တယ်။ ဒါပေမယ်ချစ်သူရဲ့ အရိပ်ယောင်လေးကိုတောင်မတွေ့ခဲ့ရဘူး။
“သူဘယ်မှာလဲ”……….
“ကျွန်မကိုသူမုန်းသွားပြီလား”……
“ကျွန်မသွားရမယ့်အကြောင်းတွေ သူသိပါမလား”...
လမ်းမှာမျက်နှာချင်းဆိုင်တွေ့ရင်တောင်ရှောင်ထွက်သွားတဲ့သူ့ကိုကျွန်မဘယ်လိုနှုတ်ဆတ်ရပါ့မလဲ...။
လားပေါင်းများစွာကိုယ်တိုင်ပြန်မေးရင်း၊ ကျွန်မ၏အချစ်နှင့်ေ၀၀ါးသောဘ၀အတွက်ကြေကွဲခဲ့ရပါသည်။
ပူအိုက်လွန်းတဲ့ ညတစ်ည၊ လရောင်က သစ်ကိုင်းထက်မှာ ဖျာကျနေသည်။
ကျွန်မအတွက်နောက်ဆုံးညတညမှာ ပြတင်းတံခါးကိုအဖွင့်......
အို........ ရှပ်အကျီင်္အဖြူရောင်နဲ့ အရိပ်လေးတစ်ခု။
♫ နှုတ်ဆတ်မျက်ရည်လေးများ အားလုံးမသိအောင်သိမ်းထား ♪♪♪
အခါလွန်တဲ့မိုးမို့အညိုးနဲ့ရွာ ♫♫♫
“ဟင့်အင်း....ကျွန်မကိုအဲ့လောက်ထိမရက်စက်ပါနဲ့...”
“ကျွန်မတို့ဝေးဖို့ အဆင်သင့်မဖြစ်သေးဘူး...”
“ဒါဟာကျွန်မတို့အတွက်မစလိုက်ရပဲအဆုံးသတ်ရမယ့်နိဂုန်းတဲ့လား...။”
“သူ”...သူကတော့ ကျွန်မရင်ထဲက စကားတွေကြားနိုင်လိမ့်မည်လို့မထင်ဘူး။ ဒါပေမယ့် ကျွန်မအခန်းရှိရှာကိုမော့ကြည့်လိုက်တဲ့သူ့မျက်ဝန်းတွေမျက်ရည်တွေကြောင့် စိုလက်နေတာ လရောင်အောက်မှာနောက်ဆုံး အကြီမ်ဖြစ်ကြေကွဲစွာ....။
လေထဲမှာလည်း သီချင်းသံတွေဟာ ခပ်လှမ်းလှမ်းမှာ ကြွေကွဲဖွယ် လွင့်ပျံနေကြသည်။
အပြင်ဘက်မှာအမှောင်ထုက ပိုပြီးသိပ်သည်းနေသည်။
ခဏအကြာမှာ သူ့အရိပ်တွေကျွန်မမျက်ဝန်းထဲဖျော့တော့သွားခဲ့ပါတော့သည်
အို....နွေယံညထဲ ရင်ထဲဆွေးမြည့် ကျွမ်းလှချည်းလားချစ်သူရယ်။
